నేనెరుగని అందమిది - Telugu Poetry by Suresh Sarika

 నేనెరుగని అందమిది

ఏ ఊహకూ అందనిది.

ఓ కవి హృదయం ఆశపడుతుంది 

ఈ అందాన్ని వర్ణించేందుకు

ఓ కలం ఆరాటపడుతుంది 

ఈ అందాన్ని పలికేందుకు

ఆ శిల్పి కుంచె ఎంతగా తపించనో 

ఈ అద్భుతాన్ని సృష్టించేందుకు

ఎన్ని యుగాల యుగాలు పట్టెనో

ఇంతలా నిన్ను తీర్చి దిద్దేందుకు

నింగినేలల నడుమ ఏ ఒప్పందమైనదో

నిన్ను దివి నుండి భూవికి జార విడిచేందుకు

ఇన్ని కన్నులు ఎన్ని పుణ్యాలు చేసనో

నిన్ను దర్శించే వరం పొందినందుకు

నేనెరుగని అందమిది

ఏ ఊహకూ అందనిది.

సురేష్ సారిక